Fiestas Tradicionales Totonakas

PAXKUA XLA KINKACHIKINKAN XA LIKILTUTUNAKU.
 
Paxkua xla kin Puxkan, wa xtapaxuwan xlilakatum kachikin anta niku ta’chami lajwan tamasiy chu litakgalh’lakgaputsin. Xkitamaku laki lhan nalhatakgasaw kakum linatalanin, ni talhalajmakan, lu xkiltamaku tapaxtakatsin anta niku limaxtukan litalakapastakat liwana, xkiltamaku nalatakgasaw pi lintalanin akinin nachuna nalatapatiyaw, limaxtum na anaw nak xchik kin chichinikan wamputun kgxchik Kinpuchinakan nikuma kikamaxkiyan taxkgakgat chu nachuna li’lhiwakga, xkiltamaku  lalilakgalhamat chana na anan tapaxkit, limasiyat tuku kgkanaklhayaw; nachuna latatamakxtumiyaw nak kin pulhatamatkat, katsiyaw pi’ni akgxni patiyaw xankalhin wi taway lu chana kin tasmaninkan akinin li kiltutunaku na lha lilhakgalamanaw kin tawaykan limastayaw tapaxuwan, lipaxaw lalakgapaxyalnanaw, katsikan pi na’antawi ki Malanakan nitu talak’sakni.
 
Wi tuku akgpuxkun, lakg’sujnin takaxkgoy xliktumkan, anan takgxtumit, lhimasiyakgoy, limakgal´lakgaputsinakgoy uma xalilakgatit taxkujut xlha kin Pulhatamankan. Uma tapaxuwan katukawa limaxanakan chu nachana slan kgali xatakgalchawin, kimakg´skgotkan, kin takaxlawankan latatiku anan nak kin katuwankan kiwat chu xanatni, anan talilakatay nikuma limajsay xtalhakwat limaxkan li kgotni pulana talhaway xa tatakilputat, na tawayal ta lhakni nikuma likgapaxawakan kin tapaxyalhnikan, na anan tatanlin nikuma litalhaway talakgatay xalakatin Kinpuchina.  Tasiykgoy likumpali nikuma nalalikgtatuy uma litay chu tasmananin lima. Lu lhan takatsin talilimalhawani na chana talali’akgxil pi makgxtum yaw anta kin tijikan.
 
Anta uma nak’kinpaxkukgkan, takatsi pi kin kalhakgapaxyalnanan Kinpuchinakan wacha lu snun tapaxaw kin lhatamatkan.
 
Compartir en:
Share on Facebook
Facebook
Tweet about this on Twitter
Twitter